鮫島瑠依原來真係位柔道高手嚟。（互聯網）佢自爆猛料過去後，同時宣布AV界引退。（互聯網）佢亦用過「YUNI」呢個藝名演出格鬥主題AV。（互聯網）AV片廠為女優「度身訂造」嘅背景可信性一直存疑，卻估唔到當中竟然有啲係堅嘅！話說喺1992年11月20日出生嘅AV女優鮫島瑠依（鮫島るい）參與網絡流行嘅「10年挑戰」，拎咗張十年前嘅相片做對比，佢原文話自己今日變黑咗同頭髮長咗，但網民卻發現十年前嘅佢，拎住支「全國高等學校柔道大會優勝」嘅錦旗。原來佢自細練柔道，中學時拎咗全國冠軍，高中又拎埋全國大賽優勝，世界大賽更攞埋第二名。可惜後來因傷退役，而退役後為咗賺取同男友同居嘅生活費，於是去咗風俗店工作，並喺2015年12月化名「RiRi」演出AV《STRONG TATTOO之女》，因為佢當時超瘦關係，連片廠都唔敢用佢身份做噱頭。及至2016年10月演出嘅《國際最強王者 世界第2位》至先至敢提佢身份。不過佢自爆身份嘅同時，卻宣布將退出AV界，並以「AYA」之名進軍綜合格鬥界，睇嚟以後應該冇得睇佢啪啪啪喇。

東網網站 : https://on.cc/

東網Facebook專頁 : https://www.facebook.com/onccnews/